Thaçi: Në veri takova edhe serbë që ishin pjesë e konfliktit të armatosur - Bota Sot
Thaçi: Në veri takova edhe serbë që ishin pjesë e konfliktit të armatosur

Kosova

Thaçi: Në veri takova edhe serbë që ishin pjesë e konfliktit të armatosur

Më: 4 tetor 2018 Në ora: 21:15
Hashim Thaçi

Presidenti Hashim Thaçi ka dhënë edhe detaje për vizitën e tij që ka bërë në liqenin e Ujmanit.

Ai në “Debat Plus”, ka thënë se këtë e ka bërë për qejfin e tij, dhe nuk e ka bërë për ta minimizuar protestën e Vetëvendosjes.

Madje, Presidenti tha se protestuesit atë ditë, e përkrahin idenë e tij, që Lugina të bashkohet me Kosovën.

“Nuk zhvillohet beteja në sheshin ‘Skënderbe’ me Serbinë, po beteja zhvillohet në tavolinë përballë tyre…Unë e vlerësoj protestën e qetë, por e di që ata njerëz që kanë qenë, të gjithë janë për bashkimin e Preshevës me Kosovën…Idenë time për bashkëngjitjen e Preshevës, Medvegjës dhe Bujanovcit, e mbështesin 85-90% e qytetarëve të Kosovës”, tha Presidenti.

Madje, Presidenti tha se në veri të vendit, fundjavën e kaluar, ka takuar edhe persona, që në luftë i kishte kundërshtar.

“Kam takuar edhe serb lokal, kemi bërë muhabet shumë të mirë, miqësor, kemi diskutuar edhe për periudhën e paraluftës, edhe gjatë luftës, bile bile mund të them se dy a tre aty që kanë qenë, kishin qenë edhe pjesëmarrës të konfliktit të armatosur”, tha ai.

Ai kritikoi edhe qeveritë pasuese, për të cilat thotë se nga viti 2014, ka zero investime që banorët të kthehen në pronat e tyre në veri të vendit.

Shfaq komentet
comments powered by Disqus
Sot mund të lexoni Shfletoni kopertinat