Filloi asfaltimi i segmentit të rrugës nacionale N2 - Bota Sot
Filloi asfaltimi i segmentit të rrugës nacionale N2

Kosova

E diel, 21 tetor 2018

Filloi asfaltimi i segmentit të rrugës nacionale N2

Më: 10 tetor 2018 Në ora: 18:01
Pamje nga vendi i ngjarjes

Ka filluar asfaltimi i segmentit të rrugës Prelez i Jerlive – Ferizaj, pjesë e rrugës nacionale N2, Prishtinë -Ferizaj.

Ky segment rrugor tejet i frekuentuar po asfaltohet në kuadër të mirëmbajtjes së rrugëve dhe ka gjatësi mbi 1 kilometër, kurse gjerësia e saj është 7.5 metra.

Zëvendësministri Rexhep Kadriu, u njoftua nga afër me punimet në rehabilitimin e kësaj rruge, e cila sot ka filluar së asfaltuari, ndërsa nga kompania e mirëmbajtjes ka kërkuar që krahas cilësisë, të jenë të shpejtë dhe efikas, në mënyrë që të evitohen kolonat e gjata në trafik.

Ministria e Infrastrukturës në vazhdimësi është duke ndërhyrë në rrugët ekzistuese të cilat janë të dëmtuara, në mënyrë që qytetarëve tanë t’u ofrohet infrastrukturë moderne dhe më e sigurt.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test