Gabriel inkurajon ARKEP-in të vazhdojë zbatimin e rregullativës evropiane në kodin e ri telefonik - Bota Sot
Gabriel inkurajon ARKEP-in të vazhdojë zbatimin e rregullativës evropiane në kodin e ri telefonik

Kosova

E mërkurë, 21 nëntor 2018

Gabriel inkurajon ARKEP-in të vazhdojë zbatimin e rregullativës evropiane në kodin e ri telefonik

Më: 12 tetor 2018 Në ora: 15:20
Kreshnik Gashi dhe Mariya Gabriel

Kryetari i Bordit të ARKEP, Kreshnik Gashi, priti sot në takim pune Komisioneren e Bashkimit Evropian për Shoqëri dhe Ekonomi Digjitale, Mariya Gabriel.

Në takimin i cili u mbajt në margjina të konferencës Digitalks e cila po mbahet në Prishtinë, Gabriel konfirmoi mbështetjen e saj në funksion të arritjes së Marrëveshjes regjionale të roamingut ndërmjet të gjitha vendeve të Ballkanit Perëndimor.

Komisionerja e BE-së, Gabriel poashtu inkurajoi rregullatorin kosovar të komunikimeve elektronike për të vazhduar me zbatimin e rregullativës evropiane në tregun e komunikimeve elektronike të Kosovës, me theks të veçantë në kodin e ri evropian për komunikimeve elektronike.

Gashi gjithashtu e njoftoi atë me hapat e bërë nga ARKEP në drejtim të zbatimit të kodit telefonik shtetëror, si dhe me përgatitjet që po bëhen për arritjen e Marrëveshjes regjionale të romamingut ndërmjet vendeve të Ballkanit Perëndimor.

Në takim, Gashi kërkoi mbështetjen e komisoneres Gabriel për forcimin e mëtutjeshëm të identitetit digjital të Kosovës në fushën e komunikimeve elektronike.

Kujtojmë se ARKEP-i do të vendosë më 31 tetor se si të veprojë me kërkesën e dy operatorëve mobilë për kodin +383.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test