Haradinaj merr pjesë në Kongresin e Parë të Odës së Fizioterapeutëve të Kosovës

Kosova

Haradinaj merr pjesë në Kongresin e Parë të Odës së Fizioterapeutëve të Kosovës

Më: 19 tetor 2018 Në ora: 13:16
Kryeministri i vendit, Ramush Haradinaj

Kryeministri i vendit, Ramush Haradinaj, ka marrë pjesë në Kongresin e Parë të Odës së Fizioterapeutëve të Kosovës, me ç’rast ka thënë se Qeveria po lufton për dinjitetin e pacientit.

Ai e ka vlerësuar këtë kongres duke thënë se kjo është një mundësi e mirë për shkëmbim të përvojave ndërmjet profesionistëve dhe për avancimin e fizioterapeutëve të Kosovës.

“Në Kongresin e Parë të Odës së Fizioterapeutëve të Kosovës, me karakter ndërkombëtar, theksova se kjo është një mundësi e mirë për shkëmbim të përvojave ndërmjet profesionistëve dhe për avancimin e kësaj disipline mjekësore. Qeveria e vendit po lufton për dinjitetin e pacientit, dhe në këtë drejtim është e angazhuar për shëndetësi cilësore, duke rritur performancën e personelit dhe avancimin e teknologjisë. Pos Ligjit të Pagave, nga i cili përfitojnë rritje mjekët dhe personeli mbështetës, jemi të fokusuar në transformimin rrënjësor të shëndetësisë”, ka shkruar Haradinaj në llogarinë e tij të Facebook-ut.

Image
commentFirst article
Sot mund të lexoni Shfletoni kopertinat