(E plotësuar) Bashkësia Islame e Kosovës ia ka dhënë besimin edhe për një mandat myftiut Naim Tërnavës.
Tërnava ishte në garë me anëtarin e kryesisë, Reshat Mexhiti. Ky i fundit morri vetëm 4 vota, derisa Tërnava morri 52 vota nga delegatët e Kuvendit, kryetarët e Këshillave të Bashkësisë Islame të Kosovës në komuna, një përfaqësues nga Medreseja dhe një nga Fakulteti i Shkencave Islame.
Nis votimi për të parin e BIK-ut
Ka filluar procesi i votimit për kryemyftiun e Bashkësisë Islame të Kosovës, ku në garë janë myftiu aktual, Naim Tërnava dhe anëtari i kryesisë, Reshat Mexhiti.
Për njërin prej tyre do të votojnë gjithsej, 58 anëtarë nga trupa zgjedhore, 28 delegatë të Kuvendit, 28 kryetarët e Këshillave të Bashkësisë Islame të Kosovës në 28 komuna, një përfaqësues nga Medreseja dhe një nga Fakulteti i Shkencave Islame.
Pas përfundimi të këtij procesi i cili pritet të zgjasë rreth një orë, kryetari i sapo zgjedhur pritët t’i drejtohet mediave në një konferencë për shtyp.
Votohet për të parin e BIK-ut
Trupi Zgjedhor i Bashkësisë Islame të Kosovës sot voton për zgjedhjen e myftiut për mandatin e ri 2018-2023.
Mbledhja mbahet në sallën e konferencave në selinë e Kryesisë së BIK-ut me fillim prej 12:00.
Në garë për këtë post janë myftiu Naim Tërnava dhe anëtari i kryesisë së BIK-ut Reshat Mexhiti.
Për të dy këta kandidatë do të votojë trupi zgjedhor, i cili përbëhet nga 28 delegatë të Kuvendit, 28 kryetarët e Këshillave të Bashkësisë Islame të Kosovës në 28 komuna, si dhe një përfaqësues nga Medreseja dhe një nga Fakulteti i Shkencave Islame.
Që 13 vjet Tërnava është myfti i Kosovës, duke përfunduar tri mandate në krye të institucionit më të rëndësishëm të besimit islam në vend.