Deputeti i Kuvendit të Kosovës nga radhët e Aleancës për Ardhmërinë e Kosovës, Gani Dreshaj ka ngushëlluar familjen e Florijeta Rugova e cila ka ndërruar jetë pasi që u aksidentua ditë më parë.
Ai përmes një postimi në Facebook, ka përmendur edhe një kërkesën e tij për më shumë vëmendje e përgjegjësi ndaj atyre që nga pakujdesia dhe vozitja e pakontrolluar kanë bërë që numri i viktimave në Kosovë të rritet çdo ditë e më shumë.
Postimi i plotë:
Pak ditë më parë bëra një kërkesë publike për më shumë vëmendje e përgjegjësi ndaj atyre që nga pakujdesia dhe vozitja e pakontrolluar kanë bërë që numri i viktimave në Kosovë të rritet çdo ditë e më shumë.
Florjeta jonë është viktima e radhës në komunikacion.
Pak ditë më parë e vizitova në spital dhe kam shpresuar shumë se kjo vajzë e bukur dhe e shtëpisë së mirë do të ia dal në sfidën më të vështirë të jetës.
Por, jo!
Ngushëllime familjes për vdekjen e hershme të vajzës, paçtë dritë shpirti i saj.