Let’s Do It ka njoftuar se sot do të organizohet aksion pastrimi në Janjevë të Lipjanit, duke filluar nga ora 11:00, në kuadër të Fushatës “Ta Pastrojmë Kosovën”.
Aksioni fillon nga shkolla fillore “Shtjefën Gjeqovi”, për të vazhduar pastaj në qendër të fshatit të Janjevës. Po ashtu, do të bëhet pastrimi i lumit të fshatit, si dhe do të pastrohet deponi ilegale e mbeturinave.
“Në aksionin e nesërm merr pjesë ekipi i Let’s Do It, kryetari i Komunës së Lipjanit, Imri Ahmeti dhe zyrtarë të tjerë komunalë, si dhe banorë të Janjevës”, thuhet në njoftim.
