Ministri i Punëve të Brendshme të Kosovës, Ekrem Mustafa, me këshilltarët e tij, ka zhvilluar një takim bilateral me Sllovakinë në Bratislavë.
Ministri Mustafa, ka treguar për mes një postimi në Facebook, se është takuar me ministren e Brendshme të Sllovakisë, Denisa Sakova.
Sipas tij, në këtë takim kanë diskutuar për bashkëpunimin bilateral në fushën e sigurisë, si dhe për çështjen e liberalizimit të vizave për Kosovën.
Ja shkrimi i plotë:
TAKIM BILATERAL SLLOVAKI - KOSOVË
Bratislava, 29 Nëntor
Pas përfundimit të punimeve të Forumit të Salzburgut, pata kënaqësinë të mbajmë një takim bilateral me Ministren e Brendshme të Republikës Sllovake znj. Denisa Sakova.
Në takim u diskutua për bashkëpunimin bilateral në fushën e sigurisë, si dhe për çështjen e liberalizimit të vizave për qytetarët e Kosovës. U dakorduam për fuqizimin e bashkëpunimit ndërmjet Sllovakisë dhe Kosovës.