Sot në fshatin Greme mbi 200 biznese që operojnë në këtë fshat, për nder të shpalljes së Ushtrisë së Kosovës, do të shpërndajnë dhurata për dy shkollat e fshatit “Jeta e Re" dhe "Enver Topalli", ku janë mbi 600 nxënësve dhe personelit të shkollës.
Kurse, kryetari i komunës, Smajl Latifi ka ftuar familjar të dëshmorëve, veteranëve dhe invalidëve të luftës, që nga ora 10:00, bashkë në sallën e Kuvendit Komunal të ndjekin seancën ku do të votohet formimi i Ushtrisë së Kosovës.
“Pa kontributin tuaj të pashoq ne sot nuk do të gëzonim as lirinë, as shtetin e as ushtrinë, andaj kam dëshirë që këtë ditë historike ta ndajmë e përjetojmë bashkë. Po ashtu, janë të ftuar të gjithë qytetarët e interesuar që të na bashkohen në këtë ditë të madhe për Kosovën”, thuhet në njoftimin e komunës.