Kryetari i LDK-së, uron formimin e Ushtrisë së Kosovës

Kosova

Kryetari i LDK-së, uron formimin e Ushtrisë së Kosovës

Më: 14 dhjetor 2018 Në ora: 11:37
Isa Mustafa

Me rastin e mandatimit të sotëm në Kuvend, të Forcës së Sigurisë së Kosovës në Ushtri të Kosovës, kryetari i LDK-së, Isa Mustafa dërgon këtë telegram urimi:

Të nderuar qytetarë të Republikës së Kosovës, Themelimi i Ushtrisë së Kosovës, ishte nevojë dhe e drejtë e shtetit, prandaj më lejoni që në emrin tim personal dhe të Lidhjes Demokratike të Kosovës të ua uroj këtë ditë kaq të rëndësishme për vendin tonë. Lidhja Demokratike e Kosovës, si parti më e madhe në vend, qoftë në pozitë apo në opozitë, ka përkrahur në vazhdimësi ngritjen dhe aftësimin e FSK-së për t'u shndërruar në Forcë të Armatosur, përkatësisht në Ushtri të Kosovës në interes të mbrojtjes së vendit, pra, në interes të çdo qytetari të saj. Poashtu, Lidhja Demokratike e Kosovës ka qenë e përkushtuar që ky proces të jetë në vazhdimësi në bashkëpunim me ShBA-të, NATO-n, BE-në dhe aleatët tjerë strategjik të vendit tonë. Ushtria e Kosovës do të shërbejë për paqe, siguri dhe stabilitet në vend dhe në gjithë Ballkanin. Prandaj, urime qytetarë!

commentFirst article
Sot mund të lexoni Shfletoni kopertinat