Shumica e fshatrave të Therandës gjatë tërë ditës së sotme kanë qenë pa energji elektrike.
Qytetarë të kësaj ane kanë thënë për media kjo nuk është hera e parë, pasi në çdo vikend po ndodh e njëjta gjë, duke mbetur pa energji elektrike në këto ditë të ftohta dimri.
Sipas qytetarëve, pa energji elektrike gjatë ditës së sotme ka qenë edhe një pjesë e Fushë Kosovës qysh në orët e mëngjesit, e vazhdon të mos ketë ende rrymë.
Kjo gjë po u sjellë probleme të mëdha edhe për shkak të ngrohjes.
Ndryshe duhet cekur se në njoftimin nga KEDS, nuk është paralajmëruar ndalja e rrymës në këto dy vende.