Sipas Institutit Hidrometeorologjik të Kosovës gjatë ditës së nesërme (e martë) mbi vendin tonë do të mbajë mot i ftohtë dhe me reshje bore.
Masat e ajrit të ardhura nga pjesa verilindore e kontinentit do të vazhdojnë të mbeten prezente edhe gjatë ditës së martë, duke e mbajtur këtë gjendje termike me vlera negative të temperaturave në dy vlerat ekstreme.
Do të ketë vranësira të cilat do të sjellin reshje bore të intensitetit të dobët e vende-vende të intensitetit mesatar. Sa i përket fushave barike ato do të ngriten mbi vlerat e normales.
Temperaturat minimale parashihen të lëvizin ndërmjet -7 deri -5 gradë Celsius, ndërsa maksimalet e ditës parashihen të lëvizin ndërmjet -3 deri -1 gradë Celsius.
Do të fryjë erë kryesisht nga verilindja me shpejtësi 1-5m/s. Ky qarkullim i masave të ajrit do të ndikoj pozitivisht në cilësinë e ajrit.
