Prokuroria Themelore në Gjakovë ka ngritur aktakuzë kundër E.B., për veprën penale lëndim i rëndë.
Sipas aktakuzës, i pandehuri E.B., më datë 18.09.2018, në Stacionin e Autobusëve në Gjakovë, i ka shkaktuar lëndime të rënda trupore të dëmtuarit H.C., duke e goditur me thikë, me ç’rast i ka shkaktuar plagë në pjesën e majtë të kraharorit.
Prokurori i rastit i ka propozuar Gjykatës Themelore në Gjakovë, që i pandehuri të shpallet fajtor dhe të dënohet sipas ligjit.