(E plotësuar) - Ka qenë një konflikt i çastit shkaku që çoi në vrasjen e bashkëshortes dhe kunatës nga Gazment Musta para pak minutash në Ballsh.
Mësohet se bashkëshortja e tij, 31 vjeçarja Gentiana Caushajishte nisur për tek prindërit për festat e fundvitit, por kjo nuk i ka pëlqyer bashkëshortit duke sjellë kështu edhe një konflikt midis tyre, i cili ka përfunduar me dy të vrarë.
Pasi ka qëlluar mbi bashkëshorten e tij me thikë, Musta ka therur edhe kunatën, Merisa Caushaj duke i lënë të dyja të vdekura në vend.
Autori u arrestua nga policia pas krimit.
"Arrestimi i këtij shtetasi u bë pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen Gentiana Caushaj, 31 vjeçe si edhe motrën e bashkëshortes, shtetasen Merisa Caushaj, 18 vjeçe, të cilat kanë ndërruar jetë në vend", njofton policia.
***
Vrau bashkëshorten dhe kunatën, policia e Mallakastrës ka arestuar në flagrancë 34 vjeçarin.
Arrestimi i këtij shtetasi u bë pasi dyshohet se në gjendje të dehur, rreth orës 17.30 në banesën e tij në Ballsh, për motive të dobëta, ka vrarë me thikë bashkëshorten e tij, shtetasen G.C, 31 vjeçe si edhe motrën e bashkëshortes, shtetasen M.C, 18 vjeçe, të cilat kanë ndërruar jetë në vend.
Grupi hetimor po punon për zbardhjen e plotë të kësaj ngjarje.
Tronditëse, Burri ther gruan dhe kunatën
Një krim i rëndë ka ndodhur në një familje në Ballsh.
Mësohet se burri ka vrarë me thikë bashkëshorten e tij dhe kunatën. Kjo ngjarje e rëndë ka ndodhur dy ditë pas hyrjes së Vitit të Ri.