Grabitje e armatosur në një kazino në Prishtinë

Kronikë e zezë

Grabitje e armatosur në një kazino në Prishtinë

Më: 17 janar 2019 Në ora: 00:00
Foto ilustrim

Një grabitje e armatosur ka ndodhur pak minuta më parë në Prishtinë.

Grabitja në fjalë ka ndodhur pikërisht në një lokal kazinoje në rrugën B.

Rasti është konfirmuar nga zëdhënësi i policisë për rajonin e Prishtinës, Agron Borovci.

“Rreth orës 23:00 policia ka marrë informatën për një grabitje të armatosur të ndodhur në një lokal kazinoje në rrugën B në Prishtinë. Menjëherë pas marrjes së informatës policia ka dalë në vendin e ngjarjes dhe mbështetur në informacionet e para dyshohet se dy persona të armatosur dhe të maskuar kanë arritur që të grabisin një sasi parash nga lokali në fjalë”, ka thënë Borovci.

Policia tashmë ka filluar një hetim lidhur me rrethanat që karakterizojnë këtë rast, si dhe për të identifikuar personat e implikuar.

Duhet përkujtuar që përgjatë vitit të kaluar numri i grabitjeve të armatosura në vend ka qenë shumë i madh.

commentFirst article
Sot mund të lexoni Shfletoni kopertinat