Një femër ka vdekur si pasojë e lëndimeve të marra nga goditja me veturë.
Rasti ka ndodhur dje në rrugën Ferizaj-Prishtinë, konkretisht në fshatin Llugaxhi. I dyshuari është arrestuar pasi që i njëjti gjersa ishte duke drejtuar veturën, aksidentalisht ka goditur këmbësoren femër.
Viktima ka pësuar lëndime vdekjeprurëse dhe vdekja është konstatuar nga ekipi mjekësor.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është dërguar në mbajtje.