Rreth orës 20:00 në Bulevardin “Bill Clinton” në Prishtinë kanë ndodhur grabitje e armatosur e një filiali të bankës.
Policia e Kosovës e ka konfirmuar rastin.
“Derisa punëtorët e një kompanie kanë qenë duke deponuar paratë në filialin e një banke, të njëjtit besohet se janë grabitur nga persona të armatosur”, ka thënë Flora Ahmeti, zëdhënëse e Policisë së Kosovës.
Sipas saj, policia i ka nisur hetimet lidhur me rastin dhe po punon për identifikimin e të dyshuarve.