Rrahje për motive të dobëta, arrestohen katër të rinj

Kronikë e zezë

Rrahje për motive të dobëta, arrestohen katër të rinj

Më: 10 shkurt 2019 Në ora: 10:16
Foto ilustrim

Policia e Tiranës ka identifikuar dhe procedon penalisht katër të rinjtë të cilët shfaqen në një video të publikuar në rrjetet sociale, ku për motive të dobëta janë konfliktuar me njëri-tjetrin.

Sipas Policisë, specialistët për Hetimin e Krimit në Komisariatin e Policisë Nr.5, identifikuan, shoqëruan dhe proceduan penalisht, shtetasit e përfshirë në konflikt , konkretisht D. Q., E. K., Z. C., dhe H. C.

“Nga veprimet e para hetimore rezultoi se rreth orës 16:00 të datës 08 shkurt, në qendër Kamëz, për motive të dobëta, shtetasit E.K., Z.C., dhe H.C., janë konfliktuar me sende të forta me shtetasin D.Q., duke u dëmtuar në pjesë të ndryshme të trupit, konflikt i nisur nga shtetasi D.Q., më parë”, thuhet në njoftim.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasve të lartpërmendur, për veprën penale “Plagosje e lehtë me dashje”, parashikuar nga Kodit Penal.

commentFirst article
Sot mund të lexoni Shfletoni kopertinat