Një plagosje me armë zjarri kishte ndodhur pasditen e së martës në rrugën “Ali Kelmendi” në lagjen e Muhaxherëve në Prishtinë.
Mediat kanë siguruar pamje nga kamerat e sigurisë të vendosura afër vendit të ngjarjes.
Aty shihen disa persona teksa përleshen mesveti dhe njëri prej tyre nxjerr revolen dhe qëllon viktimën.
Në Policinë e Kosovës kanë thënë se rasti i plagosjes ka ndodhur të martën në orën 15 e 34.
“Viktima mashkull Kosovar/Shqiptar, ka njoftuar se pas një mosmarrëveshje me disa persona të panjohur njëri prej tyre ka shtënë me armë zjarri-revole me ç’rast e ka plagosur atë në pjesën e këmbës, dhe më pas është larguar në drejtim të panjohur”, kanë deklaruar në Policinë e Kosovës.
I plagosuri nga njësiti i emergjencës është dërguar për tretman mjekësor në QKUK.
Rastit ju kanë përgjigjur njësitet relevante policore si dhe po punohet në identifikimin e personave të dyshuar. Me vendimin e prokurorit është iniciuar rasti dhe i njëjti mbetet nën hetime.
