Policia e Kosovës tregon se ka arrestuar dhe e ka dërguar në mbajtje personin që me kamionetën e tij goditi 75 vjeçarin në fshatin Bardhosh të Prishtinës.
“Si pasoj e aksidentit të raportuar më herët në Bardhosh, ku është goditur dhe ka pësuar lëndime të renda trupore një person rreth 75 vjeçar, i cili është dërguar në QKUK, përderisa vozitësi i kamionetës është arrestuar dhe dërguar në mbajtje me urdhër të prokurorit kompetent”, ka thënë Daut Hoxha, zëdhënës Policinë e Kosovës.
“Apelojmë tek të gjithë pjesëmarrësit në trafik që të jenë më të kujdesshëm, në veçanti drejtuesit e automjeteve që tu përmbahen rregullave në trafik, përndryshe masa rigoroze janë duke u aplikuar dhe do të aplikohen në vazhdimësi nga Policia ndaj të gjithë atyre që bien në kundërshtim me rregullat në trafik”, ka thënë më tej Hoxha.