Trupi i një 38-vjeçari shqiptar është gjetur i pajetë në liqenin Maggiore në Itali. Mediat e vendit fqinj, raportojnë se bëhet fjalë për shtetasin Festim Brankollarit, i cili u gjet pas disa orë kërkimesh pasditen e së premtes.
Alarmi u ngrit nga disa dëshmitarë që panë shqiptarin, nga dritaret e një hoteli ku po qëndronin, duke u mbytur në ujërat e Liqenit Maggiore, pasi u rrëzua nga skateboard ku po bënte sërf.
Menjëherë në vendngjarje mbërritën një ekip zhytësish nga Milano, zjarrfikësit nga Arona dhe një helikopter nga Malpensa.
Kërkimet zgjatën rreth dy orë. Trupi i pajetë i tij u gjet rreth orës 20:00, në 20 metra thellësi dhe 100 metra larg bregut në shtrirjen e liqenit pranë skelës ku ankorohen anijet.
38-vjeçari shqiptar jetonte në Arona dhe ishte punësuar prej më shumë se 10 vitesh në një hotel afër liqenit të Meina.
