Arrestohet një person i dyshuar për veprën penale detyrim - Bota Sot
Arrestohet një person i dyshuar për veprën penale detyrim

Kronikë e zezë

Arrestohet një person i dyshuar për veprën penale detyrim

Më: 15 prill 2019 Në ora: 14:08
Ilustrim

Policia e Kosovës ka arrestuar sot në Pejë një person të dyshuar për veprën penale detyrim.

Një person më 7 prill në stacionin policor Pejë kishte raportuar një rast për veprën penale detyrim, sipas së cilës personi i dyshuar D.B. (1991) kishte kërkuar shuma të konsiderueshme të hollash të cilat ia kishte kinse borxh, në të kundërtën do t’ia dëmtojë pronën.

Sektori i hetimeve të këtij stacioni ka zhvilluar hetime dhe ka kërkuar të dyshuarin në shtëpinë e tij, por i njëjti nuk iu ka paraqitur policisë duke iu shmangur arrestimit.

Sot në orët e hershme të mëngjesit kanë planifikuar arrestimin e të dyshuarit dhe i njëjti është arrestuar në shtëpinë e tij. Të gjitha veprimet policore janë koordinuar me prokurorin e shtetit në Pejë, dhe me urdhër të tij i dyshuari dërgohet në mbajtje për 48 orë, për të vazhduar me procedura të mëtejme ligjore.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...