Dy persona kanë mbetur të plagosur si pasojë e një aksidenti të ndodhur në aksin rrugor Gjirokastër-Tepelenë.
Ngjarja e rëndë u shënua mesditën e sotme ku një makinë tip “Benz” u përplas me një kamion.
Si pasojë e përplasjes mbetën të dëmtuar dy personat që udhëtonin me automjetin.
Mësohet se dy të lënduarit pas ndihmës së marrë ndodhen jashtë rrezikut.
Ndërkohë si pasojë e përplasjes së mjeteve, pati bllokim të qarkullimit për afro një orë. Lidhur me rrethanat e ngjarjes hetimet janë në vijim.