Policia e Kukësit ka arrestuar një person të shpallur në kërkim dhe të dënuar me 10 vite burg për drogë.
"Operacioni është zhvilluar në fshatin Helshan të Hasit, ku si rezultat u bë e mundur kapja shtetasit të shpallur në kërkim Arif Çela, 53 vjeç banues në fshatin Helshan, Has", thotë policia.
Ndaj këtij shtetasi Gjykata e Apelit të Krimeve të Rënda Tiranë, më 15 prill 2019 ka lënë në fuqi Vendimin Penal të Gjykatës së Shkallës së Parë për Krime të Rënda Tiranë, e cila e ka dënuar me 10 vite burg, për veprën penale "Trafikimi i lëndëve narkotike, kryer në bashkëpunim".