Humb kontrollin e automjetit, përfundon në kanal 44-vjeçari nga Kosova - Bota Sot
Humb kontrollin e automjetit, përfundon në kanal 44-vjeçari nga Kosova

Kronikë e zezë

Humb kontrollin e automjetit, përfundon në kanal 44-vjeçari nga Kosova

Më: 12 maj 2019 Në ora: 18:29
Pamje nga aksidenti

Shtetasi nga Kosova, Dashamir Xh. (44) është aksidentuar sot pasdite teksa lëvizte me automjetin e tij në aksin kombëtar Berat-Lushnje, pranë fshatit Poshnje.

Ai humbi kontrollin e automjetit Audi CR8 me targa angleze, e pas disa rrotullimeve në rrugë ka përfunduar në kanalin në anë të rrugës.

Drejtues të mjeteve të tjera që kalonin në atë çast në të njëjtin aks i kanë ardhur në ndihmë shtetasit nga Kosova, i cili pasi është nxjerrë nga makina është transportuar për në Spitalin Rajonal të Beratit, nga ku konfirmohet se pavarësisht dëmtimeve të shumta në kokë, ai është jashtë rrezikut për jetën.

Sipas policisë, aksidenti dyshohet të ketë ndodhur për shkak të shpejtësisë së madhe të automjetit dhe lagështirës në rrugë nga reshjet e shiut.

Policia konfirmon se 44-vjeçari nuk kishte konsumuar alkool, por është aksidentuar për shkak të mosnjohjes së mirë të rrugës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...