Një aksident i rëndë trafiku ka ndodhur pasditen e sotme në lagjen Arbanë të Prizrenit.
Në këtë aksident janë përfshirë një automjet me targa të huaja dhe një motoçiklistë.
Nga ky aksident lëndime të rënda ka pësuar motoçiklisti.
Rastin e ka konfirmuar zëdhënësi i policisë nga Prizreni, Vesel Gashi.
“Në këtë aksident janë përfshirë një automjet me targa të huaja dhe një motoçikletë, deri tek aksidenti ka ardhur nga mosrespektimi i shenjave – mos dhënia e përparësisë njëri-tjetrit”.
“Motoristi ka pësuar lëndime të rënda trupore edhe është duke u trajtuar në spitalin rajonal të Prizrenit”, deklaroi Gashi.
Ekipet përkatëse janë në vendin e ngjarjes duke e hetuar rastin.
