Tetë persona janë kapur në flagrancë, gjatë një operacioni të Policisë së Kosovës, derisa po prisnin drunj ilegalisht në malet e fshatit Jezerc të Ferizajt.
Gjatë realizimit të planit operativ "Mbrojtja e pyjeve 2019” janë konfiskuar edhe katër traktorë dhe katër motosharra.
Të dyshuarit janë duke u intervistuar dhe pas konsultimit me Prokurorin e Shtetit do të merren masat e duhura ligjore.
Lidhur me rastin janë njoftuar edhe inspektorët e Ministrisë së Bujqësisë-Agjencioni Pyjor i Kosovës.
Policia e Kosovës fton qytetarët që mos të furnizohen me dru nga personat, të cilët nuk posedojnë dokumentacionin përkatës lidhur me këtë veprimtari.