Një muaj paraburgim për serbin që dhunoi një fëmijë në Hoçë të Madhe

Kronikë e zezë

Një muaj paraburgim për serbin që dhunoi një fëmijë në Hoçë të Madhe

Më: 5 shtator 2019 Në ora: 16:54
Foto

Gjykata Themelore në Gjakovë ka aprovuar kërkesën e Prokurorisë Themelore të Gjakovës, duke i caktuar masën e paraburgimit një muaj të pandehurit S. S., serb, shtetas i Kosovës për shkak të dyshimit të bazuar se ka kryer vepër penale të dhunimit.

Më datë 2 shtator 2019, në Hoçë e Madhe të Rahovecit, i dyshuari S. S. e detyron të dëmtuarin- fëmijë N. P. që të kryejë aktin seksual me dhunë duke ia mbyllur gojën me shirit ngjitës, duke ia hequr rrobat.

Me këtë veprime i pandehuri, dyshohet të ketë kryer veprën penale ‘Dhunimi”, vepër e sanksionuar me Kodin Penal të Republikës së Kosovës (KPRK).

Gjyqtari i procedurës paraprake në Departamentin e Krimeve të Rënda, Gëzim Pozhegu, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit, pasi caktimi i masave tjera alternative do të ishin të pamjaftueshme për zhvillimin me sukses të procedurës penale.

Palët kanë të drejtën e ankesës ndaj këtij vendimi në Gjykatën e Apelit të Kosovës.

commentFirst article
Sot mund të lexoni Shfletoni kopertinat