Një person është arrestuar në Prishtinë, pasi si pronar i një objekti ka shkaktuar rrezik të përgjithshëm duke shembur dheun në afërsi të Pallatit të Drejtësisë.
Sipas Policisë, rasti ka ndodhur dje në mesditë, ku ishte shembur dheu në rrugë dhe paraqiste rrezik për zhvillim të trafikut.
Inspektorët komunalë për ndërtim kanë vendosur shirita sigurues dhe rruga mbetet e bllokuar, derisa të evitohet rreziku.
Me vendim të prokurorit kujdestar, i dyshuari ndalohet në mbajtje për 48 orë.