Me 19 prill 2019, rreth orës 09:40, ishte paraqitur një rast ,,Vjedhje e rëndë’’ që kishte ndodhur në një objekt shumëkatësh qe është në ndërtim e sipër këtu në Gjilan.
Sipas ankuesit në objektin e tij nga person-a , të panjohur iu kishin vjedhur kabllot elektrike në gjatësi: 2.388 m, duke i shkaktuar dëme të konsiderueshme materiale.
Policia e Kosovës njësitet hetuese të stacionit policor të Gjilanit përmes rrugëve operative pas një pune mirë të organizuar sot me 12 shtator 2019 kanë arritur që ta identifikonin të dyshuarin, e kësaj vepre, L. H. (1993), shqiptar shtetas i Kosovës.
Ai është arrestuar nga Policia e Kosovës dhe është intervistuar në prani të avokatit të tij të caktuar sipas detyrës zyrtare.
Janë gjetur prova të qëndrueshme që ky i dyshuar besohet të jetë i involvuar në këtë rast “vjedhje e rëndë”.
Po ashtu ky i dyshuar besohet të jetë i involvuar edhe në së paku tri raste të tjera, kryesisht vjedhje të kabllove elektrike.
Lidhur me ecurinë e zhvillimit të hetimeve të këtyre rasteve janë përfill të gjitha procedurat e parapara ligjore.
Ndaj te dyshuarit është caktua masa e ndalimin 48 orë.