Qytetarët po i vrasin armët pa leje, 16 raste në 8 mujorin e parë të këtij viti - Bota Sot
Qytetarët po i vrasin armët pa leje, 16 raste në 8 mujorin e parë të këtij viti

Kronikë e zezë

Qytetarët po i vrasin armët pa leje, 16 raste në 8 mujorin e parë të këtij viti

Më: 15 shtator 2019 Në ora: 13:26
Foto ilustrim

Ditëve të fundit është shpeshtuar numri i plagosjeve dhe vrasjeve në kryeqytet.

Javën e kaluar në lagjen e Spitalit në Prishtinë, u vranë dy persona ndërsa tre të tjerë mbetën të plagosur. Shkak i kësaj ngjarje ishte një mosmarrëveshje pronësore.

Po ashtu, këtë të javën e kaluar ndodhi një plagosje mbrapa Teatrit Kombëtar në kryeqytet, dhe një tjetër në komunën e Pejës.

Arsye për këto plagosje është edhe numri i madh i armëmbajtjeve pa leje që i posedojnë qytetarët.

Ndërkohë, në Policinë e Kosovës thonë për lajmi.net se brenda tetë mujorit të parë të këtij viti janë konfiskuar 996 armë të llojeve të ndryshme pasi poseduesit e tyre mbanin ato në mënyrë të paligjshme. Po ashtu, janë konfiskuar edhe 11 192 copë municion.

Krahasuar me periudhën janar – gusht të vitit të kaluar, numri i vrasjeve këtë vit është më i vogël.

Në periudhën janar – gusht 2018 kanë ndodhur 24 raste të vrasjeve, kurse në periudhën janar – gusht 2019 kanë ndodhur 16 raste ‘Vrasje’, pra ka një rënie për -33.33%.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...