Kapen adoleshentët që vidhin dyqanet

Kronikë e zezë

Kapen adoleshentët që vidhin dyqanet

Më: 30 shtator 2019 Në ora: 13:42
Foto ilustrim

Tre adoleshentë janë arrestuar nga policia, pasi akuzohen për vjedhjen e disa dyqaneve.

Policia e Kavajës ka bërë të ditur se tre adoleshentët kanë vjedhur dje një dyqan, por janë kapur në tentativë për të ikur.

Pas hetimeve është zbuluar se ata janë autorë edhe të 2 vjedhjeve të tjera.

Si prova janë sekuestruar shuma e parave të vjedhura në dyqanin ushqimor, një pistoletë zhurmuese dhe sendet e përdorura nga autorët për kryerjen e vjedhjes.

Shërbimet e Policisë Kavajë kapën dhe arrestuan në flagrancë shtetasit:

- A. B., 18 vjeç, banues në Durrës;

- A. A., 17 vjeç, banues në Durrës;

- E. Xh., 15 vjeç, banues në Durrës.

‘Këta persona, në lagjen Nr. 1, në Kavajë, pasi kanë hapur forcërisht me anë të thyerjes derën e dyqanit ushqimor të shtetasit B. T., kanë hyrë brenda dhe kanë vjedhur një sasi lekësh.

Me marrjen e njoftimit shërbimet e Policisë kanë mbërritur menjëherë në adresën e dhënë, ku kanë kapur dhe arrestuar në flagrancë në ikje e sipër tre autorët, të cilët pasi kishin kryer vjedhjen po tentonin të largoheshin nga vendi i ngjarjes.

U sekuestruan në cilësinë e provës materiale shuma e lekëve të vjedhura në dyqanin ushqimor të shtetasit B. T., një pistoletë zhurmuese dhe sendet e përdorura nga autorët për vjedhjen me thyerje të dyqanit.

Në vijim të veprimeve të para hetimore  dyshohet se këta shtetas  janë  autorë  edhe të  vjedhjes së dy banesave ndodhur gjatë muajit shtator në Kavajë.

Materialet iu referuan për veprime të mëtejshme Prokurorisë pranë Gjykatës së Shkallës së Parë Kavajë për veprën penale ‘Vjedhja, e kryer në bashkëpunim’, bwn tw ditur Policia e Kavajes.

Sot mund të lexoni Shfletoni kopertinat