Policia arrestoi drejtuesin e trajlerit, i cili shkaktoi aksidentin me vdekje në Qafë-Thanë.
Në pranga u vu shtetasi me iniciale A.H., 41 vjeç, banues në Fier pasi akuzohet për veprën penale, " Shkelje e rregullave të qarkullimit rrugor".
"Shtetasi A.H, ditën e djeshme e në aksin rrugor Librazhd-Qafë Thanë, duke drejtuar mjetin trajler është përplasur me mjetin autobuz me drejtues shtetasin Th.K., dhe për pasojë ka humbur jetën shtetasja R.H", thuhet në njoftimin e policisë.
Nga aksidenti i djeshëm, u plagosën edhe dy gra të tjera, të cilat po udhëtonin me furgonin që u përplas nga trajleri.
