I dyshuari, H.H. 44 vjeç- shqiptar është arrestuar të premten për kryerjen e veprës penale vjedhje e rëndë.
Në një njoftim për media thuhet se i dyshuari në bashkëpunim me dy persona të tjerë, më 04.11.2019, rreth orës 03:00 minuta, në fshatin Komogllavë, të maskuar kanë hy me forcë në lokalet e një firme dhe kanë vjedhur 1.130 euro para të metalta, artikuj ushqimorë në vlerë 250 euro si dhe aparatin për numërimin e parave dhe janë larguar në drejtim të panjohur.
“Gjatë kontrollit të kryer në banesën e të dyshuarit janë gjetur dhe konfiskuar si prova materiale :
-një aparat për numërim të parave
-gjëra ushqimore të vjedhura në këtë firmë
-një maskë”, thuhet në njofim.
Pas intervistimit, Prokurori i Shtetit i ka caktuar masën e ndalimit për 48 orë.
