Policia jep detaje rreth sulmit në Qendrën e Mjekësisë Familjare në Pejë - Bota Sot
Policia jep detaje rreth sulmit në Qendrën e Mjekësisë Familjare në Pejë

Kronikë e zezë

Policia jep detaje rreth sulmit në Qendrën e Mjekësisë Familjare në Pejë

Më: 17 janar 2020 Në ora: 11:57
Ilustrim

Policia Rajonale e Pejës ka njoftuar se sot rreth orës 03:50, disa persona kanë hedhur një mjet të improvizuar ndezës, në derën anësore të Qendrës Kryesore të Mjekësisë Familjare në Pejë.

Sipas të dhënave nga punëtorët e qendrës, është dëgjuar një krismë (shpërthim), dhe menjëherë të njëjtit kanë dalë dhe kanë vërejtur zjarrin i cili kishte kapluar hyrjen e lartcekur, ku zjarrin kanë arritur ta shuajnë me anë të aparateve për fikjen e zjarrit.

Policia bën me dije se menjëherë ka shkuar në vendin e ngjarjes dhe ka ndërmarrë veprimet e nevojshme operative-hetimore.

“Njësitet relevante të Drejtorisë Rajonale të Policisë në Pejë, janë duke punuar intensivisht në bashkëpunim të plotë me prokurorin e Shtetit, për të zbuluar të gjitha rrethanat e këtij rasti, si dhe për të identifikuar personat e dyshuar”, thuhet në komunikatën e Policisë.

Shfaq komentet
comments powered by Disqus
Sot mund të lexoni Shfletoni kopertinat