Dy aksidente janë regjistruar pasditen e sotme (12 shkurt) në Vlorë.
Në fshatin Peshkëpi të Vlorës dy automjete janë përplasur, ku si pasojë 5 persona kanë mbetur të plagosur. Tre prej janë dërguar me ambulancë në spital, ndërsa 2 të tjerë kanë pësuar lëndime të lehta.
Paraprakisht mësohet se një prej makinave i ka prerë rrugën tjetrës.
Ndërsa një tjetër aksident në ndodhur në Pyllin e Sodës, ku një i moshuar është aksidentuar rëndë.
70-vjeçari është dërguar në spital në gjendje kritike për jetën, pasi ka marrë plagë në kokë.
Policia po punon për zbardhjen e rrethanave të dy aksidenteve.
