Grabitja e sotme në Elbasan u shoqërua me një përleshje mes autorit dhe pronares së argjendarisë e cila madje arriti ta çarmatosë agresorin.
Noa.al zbardh detajet nga ngjarja e sotme pranë drejtorisë së Policisë Elbasan.
Astrit Thaçi, me një kapele në kokë hyri si klient tek argjendaria Diamant, pronë e Antoneta Balla.
Ai kërkoi një unazë dhe teksa Balla i nxirrte unazat për ti provuar, nxori një pistoletë duke e kërcënuar.
Në këtë moment Balla ia rrëmbeu armën duke e futur nën banak. Teksa ndodhte kjo, Thaçi u çorodit dhe në panik rrëmbeu çfarë unazash kishte nxjerrë gruaja mbi banak dhe u zhduk me vrap.