Inspeksioni i Skenderajt mbyll një shishabar, shkak frekuentimi nga të miturit

Kronikë e zezë

Inspeksioni i Skenderajt mbyll një shishabar, shkak frekuentimi nga të miturit

Më: 26 shkurt 2020 Në ora: 12:20
Foto ilustrim

Nga inspektimet rutinë dhe ato të bëra me kërkesë të qytetarëve, Inspeksioni komunal i Skenderajt ka hasur në frekuentim të fëmijëve nën moshën 18-vjeçare në lokalin “Shisha Lounge- Imperial”, me ç’rast ka gjobitur pronarin e lokalit në fjalë për mosrespektim ligji.

Dje, pas marrjes së informatës që i njëjti biznes përsëri në mënyrë të jashtëligjshme u ka shërbyer fëmijëve nën moshën 18-vjeçare me shisha, sipas ligjit lokali është mbyllur përkohësisht.

Me këtë rast, Komuna e Skenderajt, kërkon nga të gjitha bizneset që fëmijëve nën moshën 18-vjeçare të mos u shërbehen produkte të ndaluara sipas ligjit duke përfshirë, duhanin, alkoolin, produket me shisha etj. Ndryshe inspeksioni komunal do të marrë masa ndëshkimore sipas ligjit.

commentFirst article
Sot mund të lexoni Shfletoni kopertinat