Një qytetar nga Ferizaj ka njoftuar policinë se persona të panjohur ia kanë vjedhur veturën dhe dokumentet personale
Rasti ka ndodhur në orët e para të mëngjesit të së mërkurës në rrugën “Shaqir Hasani” në Ferizaj.
Ankuesi ka njoftuar policinë se persona të panjohur ia kanë vjedhur veturën në të cilën kishte ngarkuar pako me cigare, para të gatshme dhe dokumentet personale të veturës.
Policia në raportin 24 orësh ka bërë të ditur se vetura është gjetur e braktisur në autostradë ndërsa mallrat dhe paratë nuk kanë qenë në veturë.
