Prokurori i Shtetit njofton opinionin se gjatë 24 orëve të fundit nga prokuroritë themelore janë ndaluar për 48 orë 5 persona, si dhe janë bërë 4 kërkesa për caktimin e paraburgimit të 5 personave, të dyshuar se kanë kryer vepra të ndryshme penale.
Prokuroria Themelore në Prishtinë ka paraqitur 4 kërkesa për caktimin e masës së paraburgimit për 5 persona të dyshuar.
Prokuroria Themelore e Pejës ka ndaluar 2 persona për vepra të ndryshme penale. Një person është ndaluar për veprën penale “Keqpërdorim i pozitës zyrtare”, kurse një person tjetër është ndaluar për veprën penale “Shmangia e tarifave doganore”. Të dyshuarit me aktvendim të prokurorit të shtetit janë dërguar në ndalim 48 orësh.
Ndërsa, Prokuroria Themelore në Gjilan, me urdhër të prokurorit kujdestar ka ndaluar 2 persona të dyshuar, në kohëzgjatje prej 48 orësh.
Prokuroria Themelore në Gjakovë me urdhër të prokurorit kujdestar ka ndaluar një person të dyshuar në kohëzgjatje prej 48 orësh.