Në Fushë Kosovë gjatë ditës së djeshme është arrestuar një person, i cili pas një mosmarrëveshjeje e kishte sulmuar fizikisht bashkëshorten dhe vajzën e tyre.
Si pasojë e sulmit, viktimat kanë pranuar tretman mjekësor.
Po ashtu bëhet e ditur se viktima në polici ka dorëzuar 13 qese të vogla me substanca të dyshuara narkotike të llojit marihuanë, të cilat dyshohet se i përkasin të dyshuarit.
Pas intervistimit, me urdhër të prokurorit, i dyshuari është liruar në procedurë të rregullt.