Vihen në pranga 2 inspektorë të pyjeve në Njësinë Administrative Ishëm dhe procedohet në gjendje të lirë kryeplaku i fshatit Kuraten.
Shtetasit R. S. dhe S. D., banues në Ishëm, janë prangosur pasi nuk e kanë kryer detyrën për kontrollin e zonës, nuk kanë konstatuar dëmtimin e pyllit, hapjen e tokës dhe fidanët narkotikë që do kultivoheshin në këtë sipërfaqe.
“Shërbimet e Komisariatit të Policisë Durrës, në vijim të kontrollit për parandalimin dhe goditjen e kultivimit të bimëve narkotike, gjatë kontrollit në territorin e fshatit Kuraten, Njësia Administrative Ishëm, Durres, kanë konstatuar një sipërfaqe të shpyllëzuar dhe kanë gjetur rreth 100 fidanë kanabis gati për kultivim në këtë sipërfaqe të shpyllëzuar” - informon policia.
Ndërkohë ëhstë proceduar në gjendje të lirë kryeplaku i fshatit Kuraten, shtetasi U. D.
Materialet i kaluan Prokurorisë së Rrethit Gjyqësor Durrës, për veprat penale “Prodhimi dhe shitja e narkotikëve”, “Shpërdorimi i detyrës” dhe “Moskallëzim i krimit”.