Policia e Kosovës ka arrestuar një person në Prishtinë pasi që i njëjti dyshohet për veprën “sulm seksual”.
Pasditen e së hënës në Prishtinë ka ndodhur një ngjarje shumë e rëndë.
Sipas njoftimit të Policisë së Kosovës, një person në Prishtinë në ora 16:20 është arrestuar pasi që i njëjti ka sulmuar seksualisht motrën e tij të mitur dhe më pas ka sulmuar fizikisht edhe bashkëshorten e tij, e cila edhe ka pranuar trajtim mjekësor.
Siç bën të ditur Policia e Kosovës, e mitura është dërguar për ekzaminim mjekësor ndërkaq i dyshuari me vendim të prokurorit është dërguar në mbajtje.