Tragjike: Dyert e oborrit mbysin një 5 vjeçar në Prizren - Bota Sot
Tragjike: Dyert e oborrit mbysin një 5 vjeçar në Prizren

Kronikë e zezë

Tragjike: Dyert e oborrit mbysin një 5 vjeçar në Prizren

Më: 16 qershor 2020 Në ora: 15:15
Foto ilustrim

Një fëmijë 5 vjeçar nga fshati Kushnin i Prizrenit ka vdekur sot në QKUK, ku po trajtohej pas lëndimeve që kishte marrë tri javë më parë.

Përkatësisht, 5 vjeçari më 27 maj 2020 ishte lënduar në dyert e oborrit të tij në fshatin e lindjes.

Po atë ditë, ai ishte dërguar në Spitalin Rajonal të Prizrenit, pa vetëdije dhe me lëndime të rënda trupore, mirëpo për shkak të gjendjes shëndetësore është transferuar për në QKUK.

Reporteri.net merr vesh se policia nuk ka qenë e informuar fare për ngjarjen nga mjekët kujdestarë të Spitalit Rajonal të Prizrenit më datën 27 kur ka ndodhur ngjarja. Për rastin policia është informuar sot nga QKUK.

Kjo është konfirmuar për Reporterin edhe nga Policia e Prizrenit, por nuk janë dhënë më shumë detaje.

Reporteri merr vesh se rasti është inicuar vdekje aksidentale nga Prokurori i Shtetit dhe trupi i pajetë i fëmijës u është dorëzuar familjarëve.

Hetuesit rajonalë së bashku me fornezikën janë duke punuar në zbardhjen e plotë të rrethanave të vdekjes

Shfaq komentet
comments powered by Disqus
Sot mund të lexoni Shfletoni kopertinat