Tiranë: U kap duke transportuar 9 emigrantë të paligjshëm, pranga 21-vjeçarit, një tjetër në kërkim - Bota Sot
Tiranë: U kap duke transportuar 9 emigrantë të paligjshëm, pranga 21-vjeçarit, një tjetër në kërkim

Kronikë e zezë

Tiranë: U kap duke transportuar 9 emigrantë të paligjshëm, pranga 21-vjeçarit, një tjetër në kërkim

Më: 15 korrik 2020 Në ora: 17:46
Ilustrim

Një 21-vjeçar u arrestua në flagrancë nga policia e Tiranës, pasi në bashkëpunim me persona të tjerë, dyshohet se kundrejt shpërblimit monetar, ka marrë me mjetin e tij privat, 9 shtetas emigrantë të paligjshëm.

Shtetasi J. K, iu kishte premtuar emigrantëve kalimin drejt vendeve të BE-së.

Finalizohet operacioni i koduar “TRACKING”, i zhvilluar nga Seksioni për Hetimin e Trafiqeve të Paligjshme në Drejtorinë Vendore të Policisë Tiranë, në bashkëpunim me Sektorin e Forcës së Posaçme Operacionale në DVP Tiranë dhe Komisariatin e Policisë Krujë.

”Në vijim të goditjeve të njëpasnjëshme të veprimtarisë kriminale në fushën e kontrabandimit të emigrantëve nga vendet e treta, drejt vendeve të BE-së, specialistët e Seksionit për Trafiqet e Paligjshme në DVP Tiranë, në bashkëpunim me Sektorin e Forcës së Posaçme Operacionale në DVP Tiranë dhe Komisariatin e Policisë Krujë, organizuan dhe finalizuan operacionin e koduar “TRACKING”, në kuadër të të cilit u bë kapja dhe arrestimi në flagrancë i shtetasit: J. K., 21 vjeç, banues në Has”, thuhet në njoftimin e policisë.

Ndërkohë, u bë shpallja në kërkim e shtetasit E. K., 21 vjeç, i cili dyshohet se është i implikuar si bashkëpunëtor në këtë veprimtari kriminale.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Ndihma për kalim të paligjshëm të kufijve”.

Shfaq komentet
comments powered by Disqus
Sot mund të lexoni Shfletoni kopertinat