Nga një përleshje në Gjakovë, dy persona kanë mbetur të lënduar me thikë.
Lajmin e kanë konfirmuar nga Policia e Kosovës, të cilët kanë thënë se kanë arritur t’i arrestojnë tre të dyshuar lidhur me këtë ngjarje.
Po ashtu bëhet e ditur se njëra nga dy personat e therur me thikë, është dërguar në emergjencë.
“Rreth orës 13:30 policia është informu për një rast të rrahjes në rrugën ‘Gjon Nikollë Kazazi’. Njësitet policore i janë përgjigjur rastit dhe kanë shoqëruar tre persona si të dyshuar. Njëri ka pasur lëndime të dukshme. Ai është dërguar në spital rajonal. Edhe një person tjetër i lënduar është dërguar në emergjencë”, thuhet në përgjigjen e Policisë së Kosovës.