Policia e Shtetit njoftoi sot pas orës 01.30 se po vijon kontrolli me radar, në rrugën interurbane Tiranë-Durrës-Tiranë për të parandaluar aksidentet rrugore që vijnë si pasojë e shpejtësisë mbi normat e lejuara
Pavarësisht kontrolleve të shtuara në këto akse, jo vetëm në fundjavë, por çdo ditë, ka akoma shumë drejtues mjetesh që abuzojnë me shpejtësinë duke rrezikuar jetën e tyre dhe të përdoruesve të tjerë të rrugës.
Prej orës 20:00 të mbrëmjes e deri në 01:00 të mëngjesit të sotëm (e shtunë) janë evidentuar nga kontrolli me radar shpejtësi nga 141 km/h deri 170 km/orë.
Një prej tyre ishte 25 vjeçar i cili lëvizte me shpejtësi 170 km/h. Ai u kap vetëm gjatë ndjekjes nga patrullat e Policisë Rugore pasi nuk ndaloi kur punonjësi i Policisë i bërë shenjë ndalimi.
Vetëm këtë natë ja 15 Leje Drejtimi të pezulluara për shpejtësi deri në dyfishin e limitit të lejuar në superstradën Tiranë-Durrës-Tiranë.
Me kujtesën se shpejtësia vret jetë, policia këshillon: "Shijoje fundjavën, por respekto rregullat e qarkullimit, se pastaj do të vuash mungesën e patentës në rastin më të mirë dhe aksidentin në rastin më të keq.
