7 persona janë ndaluar nga Policia në Mitrovicë pasi të njëjtit nuk kanë respektuar vendimin e qeverisë për kufizim të lëvizjes.
Policia njofton se 4 prej tyre janë ndaluar pas orës 23:00, ndërsa tre të tjerë pas mesnate. Rastet vazhdojnë në procedurë të rregullt.
Raporti i plotë i Policisë:
Mitrovicë 19.07.2020-23:25. Me 20.07.2020 është raportuar se janë ndaluar katër të dyshuar meshkuj kosovarë pasi që të njëjtit nuk e kanë respektuar vendimin e kohës së lëvizjes së lirë, të lëshuar nga Qeveria. Rasti vazhdon në procedurë të rregullt.
Mitrovicë 20.07.2020-00:05. Është raportuar se janë ndaluar tre të dyshuar meshkuj kosovarë pasi që të njëjtit nuk e kanë respektuar vendimin e kohës së lëvizjes së lirë, të lëshuar nga Qeveria. Me vendim të prokurort tre të dyshuarit janë liruar në procedurë të rregullt.
Me vendim të ri të Qeverisë, qytetarëve në Mitrovicë ju ndalohet lëvizja nga ora 21:00 deri në 05:00.