Nëpër familjet në Kosovë vazhdon të ketë dhunë.
Vetëm në 24 orëshin e fundit, në Policinë e Kosovës janë raportuar shtatë raste të dhunës në familje, ku u rrahën 7 gra dhe një burrë. Shkak i dhunës një grua në Mitrovicë bashkë me fëmijët e saj është dërguar në strehimore.
Të mërkurën (dje), në dy familje prishtinase u rrahën gratë.
“Është arrestuar i dyshuari mashkull kosovar për shkak se kishte ushtruar dhunë fizike ndaj viktimës femër kosovare, e cila si pasojë kishte pësuar lëndime dhe ka pranuar tretman mjekësor. I dyshuari pas intervistimit me vendim të prokurorit është dërguar në mbajtje për 48 orë”, njofton policia.
Rasti i dytë ka ndodhur në orët e pasdites, ku një mashkull kishte ushtruar dhunë ndaj dy femrave, për çka policia ka arrestuar atë. Me urdhër të prokurorit, i dyshuari është dërguar në mbajtje.
“ Është arrestuar një i dyshuar mashkull kosovar, pasi i njëjti ka ushtruar dhunë dhe kanosje ndaj dy viktimave femra kosovare. Me urdhër të prokurorit i dyshuari është dërguar në mbajtje”, thuhet në njoftimin 24 orësh të Policisë së Kosovës.
Edhe në Fushë Kosovë është arrestuar një person pasi që i njëjti kishte ushtruar dhunë në familje. Femra e kësaj familje shkak i lëndimeve të marra, iu dha tretmani mjekësor.
“Fushë Kosovë 05.08.2020 – 17:40. Është arrestuar një i dyshuar mashkull kosovar, pasi i njëjti ka sulmuar fizikisht viktimën femër kosovare. Viktima ka pranuar tretman mjekësor pasi kishte lëndime trupor. Me urdhër të prokurorit i dyshuari është dërguar në mbajtje”.
E në një familje gjilanase në mbrëmjen e së martës u rrahën burrat.
“Është arrestuar i dyshuari mashkull kosovar për shkak se kishte ushtruar dhunë fizike ndaj viktimës mashkull kosovar i cili si pasojë kishte pësuar lëndime dhe ka pranuar tretman mjekësor. I dyshuari pas intervistimit me vendim të prokurorit është dërguar në mbajtje për 48 orë”, thuhet më tej në raport të policisë.
Dhunë fizike ndaj femrës ka ushtruar edhe një suharekas.
“Është arrestuar një i dyshuar mashkull kosovar pasi i njëjti ka ushtruar dhunë fizike ndaj viktimës femër kosovare. Viktima ka pësuar lëndime trupore dhe ka pranuar tretman mjekësor. I dyshuari me urdhër të prokurorit është dërguar në mbajtje”.
Edhe në Pejë është raportuar se një femër është sulmuar, për çka Policia e Kosovës ka arrestuar të dyshuarin dhe me urdhër të prokurorit ai dërgohet në mbajtje.
“ Është arrestuar një i dyshuar mashkull kosovar pasi i njëjti ka ushtruar dhunë fizike ndaj viktimës femër kosovare. Viktima nuk ka pësuar lëndime trupore. I dyshuari me urdhër të prokurorit është dërguar në mbajtje”.
E një grua në Mitrovicë bashkë me fëmijët e saj u dërgua në strehimore. Kjo erdhi për shkak se ndaj saj u ushtrua dhunë fizike e psiqike.
“Është arrestuar i dyshuari mashkull kosovar i cili në vazhdimësi kishte ushtruar dhunë fizike dhe psiqike ndaj viktimës femër kosovare dhe fëmijëve të saj. Viktima pas intervistimit së bashku me fëmijët është dërguar në strehimore, kurse i dyshuari me vendim të prokurorit është dërguar në mbajtje për 48 orë. Rasti vazhdon të hetohet”, njoftoi policia.
