Një muaj paraburgim ndaj SH.H për vrasje të rëndë në tentativë

Kronikë e zezë

Një muaj paraburgim ndaj SH.H për vrasje të rëndë në tentativë

Më: 25 shtator 2020 Në ora: 14:52
Foto Ilustrim

Gjykata Themelore në Pejë ka aprovuar kërkesën e Prokurorisë Themelore në Pejë për caktimin e masës së paraburgimit ndaj të pandehurës SH.H, për shkak të dyshimit se ka tentuar ta privojë nga jeta një djal 9 vjeçar.

Sipas prokurorisë, më datë 22.09.2020, rreth orës 18:30, pikërisht në shtëpinë e dëshmitares M.T, tenton t’a privojë nga jeta djalin e saj nëntë vjeçar.

“Përderisa po qëndronte për disa ditë tek shoqja e saj, këtu dëshmitarja, për t’i ndihmuar rreth gjendjes shëndetësore të saj, aty kishin shkuar disa fqinj dhe ishin ankuar në djalin e saj, këtu viktimën, se ky po iu drejtohej me fjalë banale dhe po i ngacmonte fëmijët e tyre, veprim ky që e kishte shtyrë të pandehurën që më një kabull (gajtan) ta godiste djalin në pjesë të ndryshme të turpit, e më pas edhe t’ia vendos rreth fytit duke e ngulfatur, por që në atë moment kishte ndërhyrë dëshmitarja, e cila kishte dëgjuar zërin e viktimës duke e thirrur dhe e kishte larguar këtë të fundit nga duart e nënës së tij, e i cili në ato momente po shkumonte nga goja”, thuhet në njoftim.

Me këto veprime e pandehura dyshohet se ka kryer veprën penale vrasje e rëndë e mbetur në tentativë.

“Të pandehurës i është caktuar masa e paraburgimit në kohëzgjatje prej një muaji pasi që gjykata vlerësoi se ekziston dyshimi i bazuar se e njëjta e ka kryer veprën penale për të cilën dyshohet dhe se kjo çështje është ende në fazën hetimore për çka me gjetjen e të pandehurës në liri ekziston rreziku që e njëjta të ndikojë në dëshmitarë, të përsërisë veprën e njëjtë penale apo të përfundojë veprën penale të tentuar. Gjykata vlerësoi edhe masat tjera alternative për sigurinë e pranisë së të pandehurës në procedurë mirëpo, vlerësoi se në ketë fazë të procedurës asnjë masë tjetër alternative nuk do të ishte e mjaftueshme për sigurinë e pranisë së të pandehurës në procedurë. Kundër këtij vendimi pala e pakënaqur ka të drejtë ankese në Gjykatën e Apelit”, thuhet në njoftim.

commentFirst article
Sot mund të lexoni Shfletoni kopertinat